12 de febrero de 2021
A Concellería de Benestar Social priorizou dirixir 1,2 millóns de euros á Renda Social Municipal e 503.000 euros ás prestacións de emerxencia co fin de evitar a exclusión social
A concelleira de Benestar Social, Yoya Neira, lembra os programas postos en marcha polo Concello para lles dar cobertura ás persoas máis vulnerables durante a crise da COVID-19 e que superaron en 2020 os 4,5 millóns de euros. Nesta cantidade inclúense as iniciativas, prestacións e convenios destinados a evitar a exclusión social das coruñesas e coruñeses sen recursos, a favorecer a conciliación das familias e a acompañar as persoas maiores, cuestións prioritarias para o Goberno de Inés Rey.
Segundo Neira, a Administración municipal destinou todos os seus esforzos a apoiar as persoas máis golpeadas pola crise para "non deixar a ninguén atrás". Recorda que o ano pasado foi o de maior número de concesións da Renda Social Municipal na historia da prestación. "Grazas a este traballo 202 novas familias percibiron esta prestación durante 2020", sentenciou.
En concreto, a Renda Social Municipal supuxo axudas valoradas en 1,2 millóns de euros para a cidadanía con menos ingresos e o programa de emerxencia social sumou durante estes meses un investimento de máis de 917.000 euros. A concellería destinou 300.000 euros para axudas sociais que se incluíron dentro do PRESCO e preto de 130.000 euros empregáronse nun programa de canguraxe, en que se ampliou o servizo para atender a menores confinados/as na casa por un posible contacto de coronavirus.
No acompañamento a persoas maiores, Benestar Social investiu 250.000 euros, unha partida enmarcada dentro do plan de recuperación municipal e que se completou con prestacións de emerxencia valoradas en 503.000 euros. Neste punto, púxose en funcionamento un dispositivo en Riazor para as persoas sen teito durante o primeiro estado de alarma e instalouse unha segunda casa de acollida para as vítimas de violencia de xénero. Na rúa, o labor do equipo que realiza tarefas de seguimento e apoio á veciñanza sen fogar implicou un desembolso de 224.000 euros. Ademais, asináronse acordos coas distintas entidades sociais que traballan con colectivos en risco de exclusión por un importe de 981.800 euros.
7 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible