23 de enero de 2021
A concelleira de Medio Ambiente e Sustentabilidade, Esther Fontán, comprometeuse coas diferentes asociacións que xestionan as colonias felinas da cidade a aumentar a achega económica municipal para apoiar o seu importante labor
Esther Fontán, concelleira de Medio Ambiente e Sustentabilidade, reuniuse con representantes das diferentes asociacións que xestionan as colonias felinas existentes na cidade para lles manifestar o seu agradecemento pola tarefa voluntaria que están a levar a cabo para controlar a poboación de gatos na Coruña.
Trasladoulles a importancia do seu traballo e o compromiso da concellería para continuar apoiando o seu labor. Para iso vanse asinar convenios nominativos con estas asociacións e a súa contía virá determinada de acordo co gasto xustificado en anos anteriores para a xestión das colonias e aumentarase nun 20%.
Aínda que ata agora o Concello da Coruña se facía cargo das facturas das esterilizacións dos gatos que as persoas voluntarias das asociacións capturaban para manter controlada a súa poboación, este método de asumir os custos atopouse con reparos da Intervención municipal, o que determinou que, ao rematar os acordos coas asociacións, se buscase outra fórmula para seguir apoiándoas que atopase mellor acomodo na normativa que regula a xestión do diñeiro público.
A maneira de apoiar economicamente a estas asociacións será a través de convenios nominativos que se tramitarán no próximo modificativo de crédito para atender, entre outras obrigas, a diferentes asociacións que traballan na cidade.
O compromiso de Medio Ambiente é tamén acelerar ao máximo os trámites para poñer en marcha este novo modelo de xestión, que como todo cambio custa implementar, pero que vai permitir achegar maior axilidade, xa que as asociacións contarán cunha cantidade coñecida dispoñible e terán que xustificar o seu destino presentando as facturas previamente aboadas.
A concelleira aproveitou a ocasión para agradecer o bo traballo destas persoas que de xeito voluntario fan unha labor importantísima no control e benestar destes felinos rueiros.
14 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible