27 de abril de 2021
Esta actualización do equipamento da Policía Local tamén contará con sete novos vehículos patrulla e cinco furgonetas rotuladas
O Concello da Coruña conta desde hoxe con dous novos vehículos e sete bicicletas para a Policía Local, que foron recibidos esta mañá en María Pita polo concelleiro de Seguridade Cidadá, Juan Ignacio Borrego. "A renovación da frota policial é unha medida do Goberno de Inés Rey para mellorar a seguridade da veciñanza e dos propios axentes da Policía Local", sinalou Borrego, quen explicou que "tamén están adxudicados e pendentes de entrega sete novos vehículos patrulla rotulados, e pendentes de adxudicar cinco furgonetas rotuladas".
Un destes automóbiles será empregado pola Sección de Disciplina Viaria da Unidade de Tráfico, "que foi reforzada recentemente con nove novos axentes e necesitaba aumentar a súa dotación de vehículos", indicou Borrego, e a súa misión fundamental, aínda que non a única, será detectar infraccións de tráfico. Trátase dun vehículo que incorpora cámaras de gravación e medios tecnolóxicos conectados á base de datos da DXT para a comprobación automática de documentación de vehículos (seguro obrigatorio, ITV, permiso de circulación etc.). O modelo é tipo SUV, deste xeito, apuntou Borrego, "permitirá poñerse á altura dos vehículos e detectar facilmente movementos no seu interior, tamén optimizará a eficiencia dos controis e a autoprotección das e dos axentes de Policía Local".
O segundo vehículo será empregado por determinados axentes da unidade de administración e apoio técnico, xefatura de unidades e de corpo de cobertura e loxística policial, e permitirá realizar traslados e servizos con discreción.
Tamén se incorporan 7 bicicletas personalizadas para a Policía Local que renovan totalmente a actual frota da Unidade de Convivencia e Seguridade Diúrna, que contaba con dez anos de antigüidade. Coa chegada das novas bicis, reforzarase esta sección especializada da policía con máis axentes, que patrullan na zona centro da cidade, especialmente en zonas peonís e no paseo marítimo, así coma na zona que vai desde o Monte San Pedro até Durmideiras e no verán reforzan a súa presenza na contorna das praias da cidade.
13 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible