Finalizando o prazo de presentación de solicitudes o día 12 de marzo de 2018.

O día 30 de marzo de 2018 publicouse, segundo o previsto na convocatoria, a lista provisional de admitidos e excluídos, finalizando o prazo para emendar as solicitudes o día 13 de abril de 2018.

O día 23 de abril de 2018 apróbase a lista definitiva de persoas admitidas.

O sorteo previsto na cláusula 9 da convocatoria reguladora deste procedemento de autorizacións de uso das hortas urbanas tivo lugar o día 4 de maio de 2018, tal e como se recolle na acta do sorteo que se incorpora ao expediente, saíndo no sorteo a letra "U".

O día 9 de maio de 2018 publicouse, segundo o previsto na convocatoria, proposta de asignación de hortas urbanas, finalizando o prazo para presentar alegacións, e novas solicitudes para as parcelas vacantes das hortas de Novo Mesoiro, o día 14 de maio de 2018.

Á vista do exposto, a Concelleira Delegada de Medio Ambiente facendo uso das facultades conferides polo acordo de delegacións de competencias da Xunta de Goberno Local, publicado no BOP do 13 de xullo de 2017 e de conformidade co disposto na lei 7/1985, do 2 de abril, reguladora das bases do réxime local, RESOLVE:

Primeiro.- Adxudicar as parcelas e mesas de cultivo das hortas urbanas de Agra do Orzán, Novo Mesoiro e Parque de Eirís, segundo se recolle na táboa que se adxunta no documento.