O Fórum Metropolitano acolle, o martes 24 de febreiro, a Feira das Ideas, unha iniciativa que forma parte do programa educativo municipal Inicia 2025-26 , e coa que o Concello, en colaboración con Espazocoop, busca fomentar o espírito emprendedor entre o alumnado dos ciclos formativos de Formación Profesional (FP) e ensinos especiais na cidade da Coruña.

Horarios

• Feira das Ideas: martes 24, de 10:00 a 14:30 horas, no auditorio do Fórum Metropolitano.
• Sesión de tarde, na que varias persoas emprendedoras transmitirán as súas experiencias persoais e profesionais: martes 24, de 16:00 a 18:00 horas, no auditorio do Fórum Metropolitano.
• Entrega de premios aos tres proxectos gañadores da XVIII edición do programa Inicia: a partir das 18:00 horas.

Máis información: A Coruña premiará o espírito emprendedor do alumnado de FP e ensino especial na Feira de Ideas do vindeiro martes 24, no Fórum Metropolitano