Este curso, de 1.000 horas de duración formou profesionais no ámbito da agricultura ecolóxica relacionada coas hortas urbanas para a cidadanía e a utilización do horto con fins educativos, de integración social e terapeúticos.

A figura do Gardeniser cumpre un papel clave de coordinación dentro da horta comunitaria urbana. Este papel require que teña tanto habilidades técnicas como habilidades sociais que lle permitan conseguir que todas as persoas que traballan na horta estean totalmente integradas no traballo que a comunidade da horta estea a realizar (habilidades de comunicación, mediación, organización e xestión).Tamén é fundamental o seu labor de apoio para unha boa comunicación entre o sector público e a comunidade da horta.

Entre as habilidades técnicas que se adquiriron neste curso destacamos:

• Realizar proxectos hortícolas, adecuándoos ao obxectivo ao que se destinan (educativo, social, terapeútico...)
• Executalos, incluíndo o plan de obra e a loxística.
• Xestionar a adecuada atención e comunicación coa entidade destinataria do proxecto.
• Xestión e cultivo do ecohorto. Manexo da maquinaria e das ferramentas necesarias.