14 de junio de 2021
Todas as forzas políticas municipais manterán un encontro este xoves para consensuar o plan de reactivación e a ampliación dos convenios nominativos
A Comisión de Facenda reuniuse esta mañá para seguir avanzando cara a un novo PRESCO co maior consenso posible. O novo plan de rescate avanza no seu deseño e acada un amplo grao de consenso. O documento recolle achegas de todos os grupos, indicou o concelleiro de Economía, Facenda e Réxime Interior, José Manuel Lage Tuñas.
A comisión contou coa presenza da portavoz do PP, Rosa Gallego, da Marea Atlántica, María García, do BNG, Francisco Jorquera, e dos non adscritos, Isabel Faraldo.
Todas as partes volverán reunirse o vindeiro xoves para afondar tanto na redacción definitiva do plan de rescate como na proposta de ampliación dos convenios nominativos coas entidades da cidade.
Á espera de que cheguen a un acordo final, o plan de rescate recolle xa axudas directas cunha contía única de 2.000 euros por autónomo e micropeme, axudas que se poderán solicitar só cunha declaración responsable para minorar os tempos de tramitación. Tamén hai consenso para a reedición dos bonos de incentivo ao comercio e á hostalaría.
Lage Tuñas agradeceu as achegas realizadas polas distintas forzas para enriquecer o texto e confía en que tanto o plan como a ampliación dos convenios nominativos poidan aprobarse ao longo deste mes para que entren en vigor no menor prazo posible.
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible