O Servizo de Normalización Lingüística do Concello da Coruña organizou na segunda metade do ano unha morea de actividades para todos os públicos.

1. Programa Apego 

https://www.coruna.gal/lingua/gl/dinamizacion/apego

O Servizo de Normalización Lingüística do Concello da Coruña organizou, de setembro a decembro, as seguintes actividades para familias con crianzas de 0 a 6 anos no Centro Ágora:

• "Triscus beliscus", de Rilo e Penadique  (para menores de 3 anos) con narración oral e música en directo

• "Levántate, Xan!", de Caxoto  (-3 anos) na que, cun conto, estivemos na granxa de Xan e solucionamos o seu problema.

• "Arrolar", da Fundación Legar  (-3 anos) onde se reforzou o vínculo entre as crianzas e as persoas adultas con cantigas de berce e instrumentos sinxelos.

• “Carabranca”, de Iria Pinheiro  (para maiores de 3 anos) é un conto pola igualdade que protagoniza unha nena pirata.

• “Obradoiro de imprenta creativa”, de Alouette Machine  (+3 anos) no que aprendemos como se realiza un libro do que cada crianza levou un pequeno agasallo feito por ela.

• “A toupiña que quería saber quen lle fixera aquilo na cabeza”, da Xanela do Maxín  (+3 anos), a versión teatral do coñecido libro.

• “Cantacontos”, de Pablo Díaz  (-3 anos) achegoulles ás familias con crianzas máis miúdas a música e os primeiros libros.

• “Ris, ras!", de Baobab Teatro  (-3 anos) foi unha proposta que mesturou teatro, música e xogo.

• “Gaiteiro verde”, da Fundación Legar  (5 e 6 anos) descubriunos a relación da natureza e os sons na creación de instrumentos tradicionais.

• "Música na pel", de Arkhé Espazo Educativo  (-1 ano), para masaxear e estimular as/os peques ao tempo que lles cantamos.

• APRAZADO!! “Zapatos”, de Caramuxo Teatro  (-3 anos), unha posta en escena sinxela pero de aprendizaxe baseada no noso calzado habitual.

• APRAZADO POR PROBLEMAS TÉCNICOS “Pum, pum!", de Baobab Teatro  (+3 anos), unha representación teatral que abordou a preocupante temática dos abusos sexuais na infancia.

• Festa do Apego 2023  nos Xardíns de Méndez Núñez cos concertos de "Gatuxo", de Magín Blanco e de Uxía Lambona e a Banda Molona.

2. Programa de fomento da lingua galega nas Escolas Infantís Municipais 

• 11 pases escolares do espectáculo teatral "Zapatos", de Caramuxo Teatro 

  https://www.coruna.gal/lingua/gl/detalle/programa-de-fomento-da-lingua-galega-nas-eim-da-cidade/suceso/1453846728590 

3. Programa Falamos de dinamización lingüística para o alumnado de primaria dos centros públicos da cidade 

• 3 pases do espectáculo "Mil maxias máis", do mago Antón  

  https://www.coruna.gal/lingua/gl/detalle/falamos-primaria-o-18-de-outubro-de-2023/suceso/1453847910747

4. Programa Falamos de dinamización lingüística para o alumnado de secundaria dos centros públicos da cidade 

• Charla-concerto "Popsía", de Fran Amil
• Concerto da Banda AldaoLado 

  https://www.coruna.gal/lingua/gl/detalle/programa-falamos-secundaria-2023-no-outono/suceso/1453848207623

5. AgoraSón  

• Boyanka Kostova en concerto para público adulto 

  https://www.coruna.gal/lingua/gl/detalle/boyanka-kostova-no-agorason-do-outono-2023/suceso/1453848794497

6. A Coruña das Letras 

• 3 andainas guiadas por Xurxo Souto pola Coruña máis descoñecida: a Torre de Hércules, os Mallos e os Castros (para maiores de 16 anos)

  https://www.coruna.gal/lingua/gl/detalle/a-coruna-das-letras-andainas-guiadas-por-xurxo-souto-pola-coruna-mais-desconecida/suceso/1453846809583