Requisitos das persoas beneficiarias (base 7.2 da convocatoria):

Son requisitos esixibles ás persoas beneficiarias, que deberán estar cumpridos na data de finalización do prazo de presentación de solicitudes e manterse durante todo o prazo de execución da actividade subvencionada, ademais dos previstos con carácter xeral nos artigos 11 e 13 da Lei xeral de subvencións e os especificamente fixados nos apartados anteriores, os seguintes:

7.2.1. Requisitos comúns:

• Que teñan xustificadas as subvencións anteriormente concedidas polo Concello da Coruña, agás que aínda non transcorrese o correspondente prazo de xustificación.
• Que se atopen ao corrente no cumprimento das obrigas tributarias coa AEAT, coa Seguridade Social e co Concello da Coruña, o cal se acreditará mediante declaración responsable, a excepción do suposto de importe máximo previsto na Base 8ª. Admítese que solicite e conceda o adiamento do reintegro no seu caso.
• Que iniciasen unha actividade empresarial ou profesional no municipio da Coruña en data comprendida entre o 1 de xaneiro de 2022 e o 30 de xuño de 2023, ambos os días inclusive e que estean validamente constituídos coa súa correspondente alta en Facenda e na Seguridade Social neste período. Que manteña dita actividade sen interrupción durante os anos 2022 e 2023.
• Considerarase como inicio da actividade empresarial a alta no Réxime especial da Seguridade Social para traballadores autónomos (en diante RETA), mutualidade ou colexio profesional correspondente. A data do recoñecemento da alta deberá estar comprendido nas datas obxecto da convocatoria. Só nos supostos que o autónomo/a tivese un alta previa noutra actividade, deberá acreditar a comunicación á Seguridade Social do cambio de actividade no súa CNAE correspondente.
• No caso de entidades con personalidade xurídica, o inicio da actividade será a alta nas datas obxecto da convocatoria do socio/a que ostente o cargo de administrador/a de a empresa e en caso de administración mancomunada polo menos un/unha das administradores/as solidarios/as deberá ter un recoñecemento de alta nas datas obxecto da convocatoria e na actividade para a que solicita a subvención.
• Que a actividade radique no termo municipal da Coruña
• No caso de que a actividade non teña establecemento permanente: que a entidade beneficiaria teña o seu domicilio fiscal no termo municipal da Coruña.
• Os demais contemplados nas bases, na Lei xeral de subvencións e demais normas de aplicación.