15 de maio de 2023
Para nenas e nenos nados do 1/01/2007 ao 31/12/2015. A preinscrición será preferentemente en liña os días 22, 23 e 24 de maio
CAMPAMENTOS TRADICIONAIS OU DE PERNOCTACIÓN
Preinscrición: 22, 23 e 24 de maio
*Un/unha mesmo/a menor pode solicitar, indicando a orde de preferencia, ata dúas quendas de campamento.
**No momento no que se formalice a preinscrición, a persoa interesada recibirá un correo electrónico co resumo da dita preinscrición.
***A preinscrición das e dos menores que soliciten praza de diversidade funcional irá acompañada dunha ficha de Coñecemento persoal para menores con diversidade funcional . Esta ficha permitiralles ás monitoras e aos monitores coñecer e planificar os apoios necesarios para unha correcta atención do/da menor.
****Os nenos e as nenas que soliciten praza de diversidade funcional terán unha numeración e un sorteo propio, que se realizará no Centro Cívico Monelos.
A preinscrición realizarase en liña no seguinte formulario: Preinscrición en campamentos de pernoctación de verán
Publicación de listas de preinscricións: 29 de maio
As listaxes poderanse consultar nesta mesma web, en https://www.coruna.gal/campamentos2023 así como no 010 ou nos centros cívicos.
Reclamacións: 30 e 31 de maio chamando ao número de teléfono 604 259 167 en horario das 9.30 ás 19.30 horas
Sorteo das prazas: 1 de xuño ás 10.00 h
Publicación de listas de admisións: 6 de xuño nesta mesma web, en https://www.coruna.gal/campamentos2023 no 010 e nos centros cívicos municipais.
Inscrición e aboamento de 85 euros: 7, 8 e 9 de xuño no número de conta ES76 2100 4202 1822 0013 5451. Unha vez realizado o pago do campamento débese enviar a través deste formulario: Envío de autorizacións e xustificante de pago para o campamento tradicional de pernoctación
No caso de prazas vacantes, faranse as chamadas a quen quedase en lista de espera a partir do 13 de xuño.
*Se un/unha menor resulta admitido/a e ten irmáns ou irmás cun número correlativo de preinscrición, ben sexa anterior ou posterior, todas/os obterán praza.
**Unha vez formalizada a inscrición, non se terá dereito á devolución da cota do campamento excepto por causas imputables ao prestador do servizo.
***Para aquelas persoas que non dispoñan de medios informáticos para realizar a preinscrición e inscrición por vía telemática, facilítanse os seguintes números de teléfono en horario das 9.00 ás 20.00 h:
En caso de facer a preinscrición telefonicamente e aparecer na lista de admisións, para formalizar a inscrición enviarase o xustificante de pago por correo electrónico a: hebecampamento@gmail.com
Darase información a partir do día 7 de xuño no número de teléfono 644 103 231 en horario das 9.30 ás 20.00 h de luns a venres.
PERSOAS DESTINATARIAS
Para nenas e nenos nados entre o 1/01/2007 e o 31/12/ 2015
*Ofértanse prazas para menores con diversidade funcional en grao que non lles impida participar nas actividades co grupo. Contarán con monitoras e monitores de apoio que non realizará tarefas de carácter sanitario.
**Existe reserva de prazas para menores usuarias/os dos programas sociais municipais.
QUENDAS
Do 16 de xullo ao 22 de xullo (de 8 a 11 anos)
Do 23 de xullo 29 de xullo (de 12 a 16 anos)
Do 30 de xullo ao 5 agosto (de 8 a 11 anos)
Do 6 agosto ao 12 de agosto (de 12 a 16 anos)
ESPAZO DE REALIZACIÓN
Albergue rural Vilariño de Conso (Vilariño de Conso-Ourense)
COTA DE INSCRICIÓN
85 euros. A cota inclúe o transporte e a comida diaria.
ACEPTACIÓN DE CONDICIÓNS DE PARTICIPACIÓN, OBRIGA DE INFORMACIÓN E CONSENTIMENTO INFORMADO
As persoas participantes deben comprometerse co cumprimento dunha serie de requisitos esenciais de carácter sanitario e legal a través dun documento de aceptación de condicións de participación, obriga de información e consentimento informado. Este documento terá que asinarse e ser entregado antes do inicio do campamento pola nai, pai ou responsable legal do/da menor.
Envío de autorizacións e xustificante de pago para o campamento tradicional de pernoctación
Folleto informativo de campamentos tradicionais ou de pernoctación (2 MB)
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible