«Era unha vez un niño.

Un  niño cun ovo.

Un ovo moi  redondiño,

que ten dentro un paxariño

Novo»

(Secreto - Miguel Torga)

O niño inspírase nun dos poemas máis sinxelos do escritor portugués Miguel Torga, que nunhas poucas liñas  devela como un secreto ben gardado pode fortalecer unha amizade verdadeira.

O niño é o proxecto máis recente da compañía Partículas  Elementares, así como o máis arriscado, xa que a proposta é contar sen unha soa palabra. Poesía visual pura, O niño revélase nos detalles.

Cun argumento minimalista, a narrativa desenvólvese desde o azar; a curiosidade dun neno, espertada por unha mera coincidencia, desencadea o inicio dunha rede de afectos. Sobre o escenario, Carlos Silva, autor e único intérprete da obra, comeza cunha posta en escena comedida, que gaña forza co traballo plástico-expresivo, emotivo e sorprendente de Leonor Bandeira. Nun escenario con poucos artificios, no que se moven un único protagonista, tres elementos secundarios e unha banda sonora que complementa toda a peza. O niño é un proxecto notable, que deixa tanto ao público infantil como ao adulto cunha inmensa vontade de deixar voar a imaxinación.

O niño é unha invitación para valorar as cousas sinxelas da vida, esas que non custa entender e han de conservarse como as máis importantes.

PREMIO AO MELLOR ESPECTÁCULO no Festival Internacional de Títeres FIMO 2019. Portugal

FICHA ARTÍSTICA:

Actor / Manipulador: Carlos Silva

Idea Original: Carlos Silva

Dirección: Leonor Bandeira

Escenografia e Marionetas: Leonor Bandeira

Diseño de Luz: João Sofio

Foto: Inês Samina

Producción: Partículas Elementares

Espectáculo recomendado para nenas e nenos a partir de 5 anos

**Aforo: 180 localidades

VENDA DE ENTRADAS

Despacho de billetes da praza de Ourense (excepto festivos): de luns a venres de 11.00 a 15.00 h e de 16.30 a 19.30 h

Despacho de billetes do Fórum Metropolitano: desde unha hora antes do inicio do espectáculo (sempre que queden entradas dispoñibles)

Venda en liña: Ataquilla.com