Uso de cookies nas páxinas web do Concello da Coruña
Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".
Axudas extraordinarias a emigrantes galegos/as retornados/as (Secretaría Xeral Emigración)
En que consiste?:
A solicitude inclúe:
Datos de identidade da persoa interesada ou do seu representante.
Datos bancarios.
Información sobre a unidade familiar.
Declaración de todas as axudas solicitadas ou concedidas para a mesma finalidade.
Declaracións e autorizacións.
A quen vai dirixido?:
Persoas destinatarias:
Cidadáns/ás españois que tiveron o seu lugar de residencia no estranxeiro e volveron a Galicia así como os emigrantes naturais de Galicia que tiveron o seu lugar de residencia no estranxeiro e volveron á comunidade autónoma.
Familiares das persoas indicadas no parágrafo anterior unidos a estes por matrimonio ou parella de feito, parentesco por afinidade en primeiro grao, ou por adopción e parentes consanguíneos ata o segundo grao, así como os viúvos/as ou orfos/as destes emigrantes.
As persoas interesadas deberán acreditar estar en posesión da nacionalidade española antes do retorno e ter a súa residencia actual en Galicia.
Requisitos:
Ter residido legalmente no estranxeiro un mínimo de 3 anos ininterrompidos inmediatamente anteriores á data do retorno.
Ter traballado no exterior durante un período mínimo de 1 ano. No caso de persoas que accedan á nacionalidade española, deberán acreditar que este período de traballo é posterior á data de acceso á nacionalidade.
Quedarán exentos deste requisito:
Solicitantes que teñan 65 anos ou máis ou que cumpran os 65 anos ao longo do ano 2013.
Solicitantes que teñan recoñecida unha discapacidade por un organismo público oficial español nun grao igual ou superior ao 65%.
Non ter transcorrido máis de 1 ano entre a data do retorno e a data da publicación da resolución(23/05/2013).
Estar empadroado/a e ter residencia nun concello da C.A. de Galicia.
Non dispoñer a unidade familiar de rendas ou ingresos suficientes.
Carecer de bens mobles e/ou inmobles cuxo valor supere o límite de 15.000 € máis 5.000 € adicionais por cada membro da unidade familiar.
Documentos xustificativos da condición de galego así como a documentación que xustifique o parentesco ou vínculo co solicitante.
Libro de familia, certificado de matrimonio ou certificación do Rexistro de Parellas de feito de Galicia. En caso de separación legal ou divorcio, sentenza xudicial firme ou certificación rexistral.
Volante de residencia e convivencia.
Certificado de emigrante retornado.
Certificado E 301 para retornados de países pertencentes ao Espazo Económico Europeo.
Baixa consular.
Certificación de vida laboral.
Certificación ou xustificante acreditativo dos ingresos económicos do solicitante e da unidade familiar.
Declaración responsable do solicitante de que ningún membro da unidade familiar, incluído el mesmo, teñen outros bens, mobles ou inmobles, fóra da vivenda habitual e de telos, acreditación do seu valor.
Cando a persoa solicitante sexa o cónxuxe viúvo/a ou orfo/a do emigrante, presentará ademais o certificado de defunción.
Informe médico actualizado expedido polos servizos públicos de saúde españois, en caso de alegar enfermidade.
Certificado do grao de discapacidade, en caso de alegar esta circunstancia.
Se alega ser vítima de violencia de xénero, documento oficial que o acredite.
Declaración de todas as axudas solicitadas ou concedidas para a mesma finalidade.
Cando se solicite axuda para atender os gastos derivados do retorno terá que presentar as facturas ou recibos orixinais deles.
Declaración de non estar incurso en ningunha das circunstancias que impiden obter a condición de beneficiario e de estar ao día nas súas obrigas tributarias e coa Seguridade Social.
Cando os documentos presentados figuren nun idioma distinto ao galego ou castelán, deberá presentar a súa tradución.
As solicitudes, escritos e comunicacións que os cidadáns dirixan aos órganos das administracións públicas poderán presentarse:
Nos rexistros dos órganos administrativos a que se dirixan.
Nos rexistros de calquera órgano administrativo, que pertenza á Administración Xeral do Estado, á de calquera administración das comunidades autónomas, á de calquera Administración das deputacións provinciais, cabildos e consellos insulares, aos concellos dos municipios a que se refire o artigo 121 da Lei 7/1985, do 2 de abril, reguladora das Bases do Réxime Local, ou á do resto das entidades que integran a Administración Local se, neste último caso, se subscribise o oportuno convenio.
Axudas extraordinarias e non periódicas dirixidas a emigrantes galegos retornados/as e aos seus familiares para axudar a facer fronte aos gastos extraordinarios derivados do seu retorno.
Establécese unha axuda para facer axudar a custear de maneira xenérica a situación derivada do retorno e outra axuda destinada especificamente para os seguintes gastos: traslado de utensilios, gastos de viaxe de retorno e tradución e legalización de documentos.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge.
Instalar agora un navegador compatible