10 NEGRIÑOS estreouse no noso país tan só en tres ocasiones ao longo dos 70 anos transcorridos desde a súa estrea en Londres. No ano 1958, da man de Arturo Serrano, no Teatro Infanta Isabel. En 1973, da man de Esteban Polls, no Teatro Alcázar de Madrid. A última, no ano 2000 baixo a dirección de Ricard Reguant e producida por Enrique Cornejo, con miles de representacións en toda España.

De novo, quince anos máis tarde, únense Reguant e Cornejo para crear unha produción e nova versión ao redor deste título e tratar así de compracer aos miles de afeccionados a este xénero e seguidores de Dona Agatha Christie: porque é un teatro de evasión moi ben escrito e de intriga constante, que permite un acto de lecer social para familias e todo tipo de espectadores. En París, Londres, Berlín, Nova York… Nunca falta nas súas carteleiras teatrais unha obra desta grande autora.

Esta nova posta en escena está máis acorde aos tempos e estética do momento, cunha clara influencia dos “MAD MEN” televisivos, en quen nos inspiramos. Agardamos que gocen con estes dez personaxes pechados nunha illa e que ata o final non saberemos se son vítimas ou asasinos. Desde a súa última estrea xurdiron 4 xeracións novas de espectadores que aínda non coñecen o final: a eles, e a todo bo afeccionado ao teatro, brindamos esta marabillosa obra.