Céntrase principalmente no baile e na música tradicional, detectando distintos estereotipos sexistas que se perciben á hora de desenvolver estes dous elementos do patrimonio: os roles de bailadores e bailadoras, os xeitos de moverse e bailar, o reparto de instrumentos musicais diferenciados por sexos e a construción de parellas desde unha única óptica, a heterosexual.

Os obxectivos da mesma son:

 Concienciar sobre os estereotipos de xénero en todos os ámbitos das nosas vidas en xeral, e na nosa tradición, en particular.

 Crear debate sobre se debemos seguir transmitindo a tradición sen revisións críticas, que promulguen a equidade das persoas.

 Por en valor a nosa cultura tradicional potenciando a igualdade de xénero.

Esta exposición naceu en 2015 no marco dos XVI Encontros de Música Tradicional de Carboeiro e expúxose no Museo do Pobo Galego en Abril e Maio de 2016 dentro da programación do Departamento de Educación e Acción Cultural. En Decembro de 2016  foi exposta polo Observatorio pola Igualdade da Mariña na oficina de turismo de Ribadeo.