Cántigas da Terra conmemora co seu público os seus primeiros rexistros sonoros que fixo en 1921. O coro coruñés, a través deste espectáculo, reflexiona sobre si mesmo e sobre o seu desenvolvemento ao longo dos anos. para iso, ademais de contar con todo o elenco da entidade (Coro, Grupo de Gaitas, Grupo de Teatro e Corpo de Baile), poderemos escoitar de novo, no formato orixinal, aquelas primeiras gravacións de 1921. O público asistente gozará tamén de novas interpretacións recreadas pola formación actual de Cántigas da Terra a través dun compendio de obras que definen a traxectoria da centenaria institución. No acto haberá, así mesmo, un pequeno coloquio con varios especialistas que reflexionarán sobre a repercusión que, na súa época, tiveron estas históricas gravacións.