A Coruña será a primeira cidade que visite o defensor durante a súa xira galega.

Presentará a Ahmed e moderará o coloquio a  xornalista Valeria Pereiras.

Ahmed Ali Abdelhamid Ahmed Darraz , acollido en España por Amnistía Internacional dentro do Programa de Protección Temporal para Defensores/as en Risco, é testemuña de excepción da represión exercida polo réxime de Abdel Fattah al-Sisi contra toda a poboación exipcia, e especialmente contra os mozos, os defensores dos dereitos humanos e os xornalistas. Condenado no ano 2015 a 25 meses de prisión durante un xuízo no que non estivo presente, este fotógrafo e membro do movemento 6 de abril tivo que fuxir do seu país.

Con esta xira Amnistía Internacional quere achegar á sociedade galega a situación dos dereitos humanos en Exipto, cada día máis ameazados. Os seus defensores e os xornalistas son os colectivos sociais con maior risco de sufrir as consecuencias dun sistema xudicial cada día máis instrumentalizado e menos independente.