Charla: O modelo Habita Rural, aprendizaxes e retos.

Brais Pérez Gómez (coordinador do proxecto Habita Rural, Ecos do Sur)

• Martes 25 de marzo ás 19.00 h

• Acceso libre até completar a capacidade

O obxectivo de Habita Rural é dinamizar o rural galego, freando o despoboamento e o abandono de solo produtivo e vivenda, ao tempo que lles ofrecemos oportunidades de vida, formación e emprego ás persoas residentes nas cidades e vilas galegas, onde se sitúan os principais petos de desemprego e exclusión. Na actualidade estamos traballando cos concellos de Xermade, Muras e Ourol (Lugo) e Sobrado, Vilasantar e Boimorto (A Coruña).

Como traballamos? Por un lado, identificamos persoas en situación de vulnerabilidade que viven na cidade e están dispostas a traballar e residir no rural. Logo, detectamos oportunidades de vivenda e emprego no rural que poden resultar atractivas para esas persoas. Deste xeito, agardamos atraer poboación que axude a dinamizar zonas en declive demográfico.