Espectáculo de narración oral, a cargo de Raquel Queizás, con manipulación de obxectos para nenas e nenos a partir de 5 anos centrado na figura de dona Emilia Pardo Bazán. 

A condesiña é filla única. Os seus pais procuráronlle unha educación nada habitual para as nenas da época. "Se che din algunha vez que hai cousas que poden facer os homes e as mulleres non, di que é mentira", díxolle o seu pai. Falaba varios idiomas e viaxou por todo o mundo, pero no canto de converterse nunha señorita exquisita casadeira converteuse, dona Emilia Pardo Bazán, nunha grande escritora, nunha muller revolucionaria.

A detective Queliña para saber máis dela abrirá a súa vella maleta de madeira. Entre os seus libros, os seus escritos, os seus panos, os seus chapeus... De seguro atopará moitos tesouros segredos e misterios e descubrirá os valores da escritora.