Deseños que mostran unha combinación de motivos e de procedencias: inspiración africana no animismo das figuras e na súa inxenuidade de formulacións e miradas e tamén incidencia do carácter mediterráneo, elaborado, sensual, refinado, no que se denota unhas ansias de progreso e de incidir no rebuscado da vida.

Obra fresca, directa e persoal. Produto do seu carácter independente, amante da liberdade e da cor. Cor tratada como entidade, como personalidade.

En resumo, as tapicerías e azulexos de Luís Soares pódense definir como naífs no seu contexto máis íntimo, abstractos na súa definición, cubistas a nivel de formas, expresionistas na súa confección, e tremendamente propios, persoais e únicos.