A exposición "Olladas contra a Trata" condensa en dezasete fotografías e en tres series a visión de catro autoras distintas sobre o fenómeno da trata con fin de explotación sexual e o seu impacto nas vidas das mulleres que a sofren en primeira persoa.

A primeira serie explora a viaxe que inician as vítimas inducidas polo engano e sustentadas polo imaxinario machista.

As emocións e sentimentos das mulleres constitúen a base de inspiración da segunda das series.

A loita contra o sistema de sostemento de valores patriarcais que subxace á prostitución é a proposta da última das series que se enfoca no lugar que ocupan os homes como clientes da prostitución, no mantemento da explotación.

Autores/as: Matteo Bertolino, Alba Taboada & Vanessa Moure e Noemi Chantada, voluntarias dunha das organizacións parte da Rede Galega de Loita contra a Trata.