Tras a morte dun papa, bispos, arcebispos e cardeais de todo o mundo reúnense en Conclave para elixiren o seu sucesor. Despois de varias votacións infrutuosas, que se anuncian coa saída dunha fumareda negra, vese, por fin, a "fumata bianca" que indica que "habemus papam". Os fieis que se congregaron na Praza de San Pedro esperan con entusiasmo e fervor que o novo pontífice, seguindo a tradición, apareza nunha das xanelas que dan á praza. Con todo, esperan en balde. Por algunha razón, o novo Papa non parece estar en condicións de soportar o peso de tal responsabilidade. Mentres a inquietude se apodera do mundo católico, no Vaticano procúrase desesperadamente unha solución para superar a crise.

Con Margherita Buy, Michel Piccoli

Italia, 2011- 104 min (VOS en castelán)

APTA PARA TODOS OS PÚBLICOS

Formato: 35 mm

* Festival de Cannes 2011: Sección Oficial a Concurso