Desde tempos inmemoriais alcol e outras drogas acompañaron á humanidade. Os antigos gregos xa distinguían entre bebedores "normais" e bebedores "enfermos". Nos últimos anos a ciencia delimitou enormemente esta "enfermidade do cerebro" e as distintas modalidades de tratamento melloraron os seus índices de recuperación. Con todo, a sociedade segue vivindo a adicción como unha sentenza, un vicio ou unha debilidade de carácter. É hora de compartir coñecemento e que profesionais de distintas áreas acheguen as últimas tendencias e liñas de actuación para conseguir unha maior difusión que ofreza calidade de vida, esperanza e a desestigmatización do adicto á sociedade actual. O descoñecemento da enfermidade "carga" asempre contra o enfermo e no caso da adicción supón un drama engadido á vida do drogodependente.

Usualmente centrámonos en qué sustancias, qué cantidades e de que maneira se consomen. Tamén en cales son as condutas desenvolvidas de maneira problemática (compras compulsivas, xogo patolóxico, adicción ao traballo, sexo, exercicio físico...). Con todo, non é a sustancia ou a conduta o tema central, senón a relación que se establece con ela. Cando o que un día foi pasatempo pracenteiro se converte en desexo irrefreable e urxente necesidade para acougar un malestar, achámonos ante unha adicción, independentemente da sustancia consumida e/ou conduta desenvolvida.

Así, desenvolvemos adiccións cando a pesar das consecuencias negativas insistimos no consumo. Co tempo necesitamos máis cantidade para obter o mesmo efecto. As nosas vidas complícanse a todos os niveis, social, familiar, económico, laboral...

Nos últimos anos desenvolvéronse enormes avances a nivel terapéutico. É hora de poñernos ao día e saber como afrontar esta terrible enfermidade, a día de hoxe incurable pero controlable. Un tratamento adecuado permite levar unha vida digna, plena e feliz.

RELATORES:

Javier Carbonell Lledó (Valencia). Responsable terapéutico na clínica Sindrome Adicciones onde, cun enfoque orientado ao desenvolvemento persoal, atende a pacientes desde fai máis de quince anos. Máster en condutas adictivas pola Universidade de Valencia e Diplomado polo Albt Ellis de Nova York en Terapia Racional Emotiva.

Octavio Villazala (A Coruña). Director do Centro Canino Montegatto. Un dos principais expertos a nivel nacional en terapias con animais. Gran comunicador, colabora en radio e televisión onde comparte a súa gran experiencia.

Alcohólicos Anónimos. En 1934 en Akron (Ohio) dous alcohólicos descubriron o enorme valor terapéutico do contacto entre adictos. Un membro veterano desta gran comunidade fálanos desde a súa experiencia dun método que axudou a millóns de persoas en todo o mundo.

Francisco Fernández Rodríguez (Barcelona). Dirixe CC Adicciones, centro de referencia a nivel europeo no tratamento de adiccións con sede en Mataró, Barcelona. Integrador Social e Máster en Drogodependencias pola Universidade de Barcelona. Especializado en psicoterapia, prevención e tratamento das Adiccións.

Sofía Cristo (Madrid). Disc-jockey, produtora musical e colaboradora de programas de televisión. De nome artístico Sofía Deejay picou nas discotecas máis importantes de España. Traballa na radio desde fai dez anos e actualmente é locutora en Unika FM. É autora do libro "El amor de mi vida" no que comparte brillantemente a súa experiencia en recuperación.

Ángela Vélez (Málaga) do Centro Cuvel (Málaga). Piscóloga Sanitaria especialista en Adiccións. Colaborou en varios centros e actualmente dirixe o seu propio centro de tratamento en Málaga cun enfoque moderno e personalizado.

Alejandro Rodríguez (A Coruña). Experto en Adiccións, autor de "¡Socorro, mi hijo se droga!" unha guía para familiares. Colaborou con varios centros de tratamento. Actualmente dirixe Intervention & Mentoring.