O venres 21 de novembro, en horario de 18.00 a 20.00, temos unha xornada de xogos dirixida a público infantil con idades comprendidas entre os 6 e 12 anos na Biblioteca Municipal Ágora.

As prazas son limitadas e a inscrición para a actividade ábrese o venres 14 de novembro.

Un ano máis, sumámonos a esta interesante iniciativa promovida por unha organización internacional do ámbito bibliotecario, a American Library Association (ALA), que aposta por poñer en valor o importante papel que poden exercer os xogos nas bibliotecas.

A actividade consiste na práctica e aprendizaxe de diversos xogos de mesa, para nenas e nenos de 6 a 12 anos. A selección dos xogos utilizados na sesión estará adaptada e deseñada en función do perfil e idades das persoas participantes.

Dispoñerase de 4 mesas de xogo, formadas por grupos de ata 4 participantes. As partidas terán unha duración curta e dinámica (ata 30 minutos) e estarán acompañados de 2 monitores de Metrópolis Cómics que farán as demostracións e explicarán os xogos.