Preténdese abordar esta problemática desde os diferentes contextos de intervención, acollida, orientación psicosocial, revisando os protocolos de actuación dos organismos implicados, dando a coñecer a realidade dos e das máis invisíbeis deste delito.

A Rede Galega contra a Trata de Persoas nace no 2008 tendo como finalidade ser un instrumento de coordinación entre as organización e persoas integrantes na Rede, a sensibilización dos axentes sociais implicados nesta problemática social, así como unha plataforma asemblearia de denuncia e incidencia política na loita contra a trata de persoas.

A Rede Galega contra a Trata de Persoas traballa dende unha perspectiva global acorde aos instrumentos legais nacionais e internacionais aplicables en España, considerando como vítimas da trata a todas aquelas que o sexan con fins de explotación sexual, laboral, matrimonios servís, mendicidade, situacións de escravitude, etc. de acordo ca definición do Protocolo de Palermo.

A Xornada, que dará comezo ás 9:00 da mañán é de inscrición de balde ata completar aforo (90 persoas).

Pecharáse a Xornada coas actuacions de SANJURJO E DOPICO, BOUBA PANDERETEIRAS E SÉS ás 20.30 h no Auditorio do Ágora (prezo da entrada: 5 euros)

Ademaís, haberá unha exposición fotogáfica "OLLADAS CONTRA A TRATA",  que condensa en dezasete fotografías e en tres series a visión de catro autoras distintas sobre o fenómeno da trata con fin de explotación sexual e o seu impacto nas vidas das mulleres que a sofren en primeira persoa; será no vestíbulo do Ágora do 22 ao 30 de setembro.