Despois do éxito obtido co primeiro traballo de Pitusa Semifusa, Olga Brañas publicou Pitusa Semifusa e os estilos musicais, con cancións para coñecer o blues, o reggae, o funky, o swing, o hip hop... e non parar de cantar e de bailar! A vida está chea de cores e de sabores diferentes, tamén de estilos musicais. Pitusa Semifusa a través das súas cancións achéganos un mundo cheo de matices musicais que cómpre gozar e valorar na diversidade que sempre enriquece.

Olga Brañas é licenciada en Historia da Arte e ten o Grao Profesional en Piano. Estudou ademais harmonía e percusión. Dende moi nova destacou como pianista e pandereteira. Membro de Brañas Folk dende hai máis dunha década, onde deu mostras da súa habilidade xa non só como instrumentista senón tamén como compositora. Foi membro fundador de Folk Focus e da desaparecida Banda Tradicional de Gaitas Ourensá. No mundo da música, a súa traxectoria e inquedanzas levouna a colaborar cos músicos como Uxía, Sérgio Tannus ou Víctor Coyote... 

'Pitusa Semifusa' foi a súa primeira incursión na música infantil, agora respaldada por este segundo traballo.