A Escola Municipal de Danza de Oleiros, o Conservatorio Profesional de Danza da Deputación da Coruña e o Conservatorio Profesional de Danza de Lugo serán protagonistas da Primeira Gala Benéfica con Honduras, co fin de contribuír ao mantemento dos distintos proxectos educativos que ACOES leva a cabo en Honduras.

Todos os donativos que se recaden destinaranse ao apoio das tres escolas que ACOES mantén no arrabalde de Tegucigalpa: Escola Santa Clara, Escola Santa Teresa de Jesús e Escola Virgen de Suyapa.

No vestíbulo de entrada do ÁGORA, os voluntarios de ACOES en Galicia ofrecerán información sobre as actividades que a asociación desenvolve en Honduras.

Ademais, atoparán artesanías confeccionadas con cerámica polos indíxenas lencas; camisetas conmemorativas dos XV anos de ACOES en Galicia, deseñadas polo artista coruñés Manuel Suárez; Lotería de Nadal, así como o Calendario Solidario 2017.

VENDA DE LOCALIDADES

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h

Despacho do Centro Ágora: aberto só días de función desde unha hora antes (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h)