Proxecto Vocal Concerto Tempo:

Fundado en setembro de 2006, o Proxecto Vocal Concerto Tempo nace como unha necesidade de alimentar as inquietudes musicais dun grupo de mozas e mozos da comarca de Ferrolterra, na Coruña. O repertorio de Concerto Tempo abarca un amplo abano de xéneros musicais, que van desde o Renacemento ata a música contemporánea, incluíndo música popular e música de cinema, á vez que colabora en proxectos de música pop-rock con artistas de recoñecido prestixio a nivel nacional.

El Acorde Secreto:

El Acorde Secreto é un grupo vocal composto por unhas 30 persoas creado en febreiro de 2014 coa intención de ser un coro innovador e revolucionario. O seu repertorio abarca unha gran variedade de cancións do século  XX e actuais, como espirituais, rock, pop ou jazz sen esquecer os musicais e as bandas sonoras. 

O concerto terá unha duración aproximada de 1 hora.