O encanto das súas novas composicións, as súas melodías e cambios de ritmos, e o seu magnífico tratamento son un cóctel tentador ante o cal é imposible resistirse. É evidente que a mellor das Rosana imaxinables volveu para conquistarnos.

'En la memoria de la piel' recorre a unha idea e un sentimento asociados a toda unha vida, aliados ás pequenas cousas que nos rodean e tamén a unha filosofía de vida. É crer que a pel vai máis aló de algo que nos envolve, que só sentes cando nos tocan ou nos acariñan. Polo menos iso supón a autora canaria que engade: "Eu case nunca sei de que trata o que estou a compoñer ata que o rematei. Non son persoa de pensar o que vou facer como se fose un exercicio de cálculo. Eu fago e despois intento darlle sentido como para responsabilizarme".