A proposta para esta primeira cita do grupo de realidade aumentada do #LAIC é unha panorámica deste eido tecnolóxico e das súas últimas tendencias da man de Verónica A. Rodríguez Pérez.

Verónica é, actualmente, a coordinadora principal de @xRWorldMadrid, unha das comunidades centradas en tecnoloxías VR / AR/ MR máis grandes e máis activas da Península. Tamén foi responsable da organización do GlobalVRDay na súa sede en Madrid, un evento que se celebrou de forma simultánea noutras 70 cidades do mundo, e colaborou con Oarsis, The App Date e a Fundación Telefónica na elaboración do mapa do ecosistema empresarial do sector, dentro do "Informe Radiografía de la Realidad Virtual, Aumentada y Mixta en España 2018". 

Esta sesión servirá, ademais, para avanzar as claves do grupo de Realidade Aumentada, un máis dos que forman parte de #LAIC 2019, e que en breve comezará as súas actividades. Aida Vidal, que será a facilitadora, explicará como se desenvolverá o programa do grupo.