A exposición "Xavier: Momentos Naturais", no Quiosco Alfonso, chegará ao seu fin o 26 de febreiro, e como colofón celebrararanse varias actividades ao longo destas semanas. A primeira será o taller familiar "O xardín circunflexo: Paisaxes orgánicas", no que os participantes poderán deseñar e construir un xardín orgánico, conformado por criaturas paisaxe; híbridos vexetais, minerais e animais, que configurarán un todo vivo e interrelacionado. 

O evento está pensado para nenos e neneas a partir de cinco anos acompañados dunha persoa adulta. Se levará a cabo os sábados 14 e 21 de febreiro e o domingo 22 ás 12.00 horas na sala municipal de exposicións do Quisco Alfonso. A duración aproximada é de 60 minutos e as reservas poderán facerse a través do correo ludidactica@gmail.com.

O ciclo final tamén traerá as sesións de "Do gravado á estampación" impartido na sala de exposición do Quiosco e na EASD Pablo Picasso por Bérengère Lipreau e o propio Xavier e que explora as técnicas desta forma de expresión artística. As datas y horarios desta actividade, de aforo limitado, será:

• Martes 24 de febreiro:

9.00 - 10.30: Recepción do alumnado no Kiosco Alfonso e presentación das técnicas de gravado utilizadas por Xavier.

11.00 - 14.30: Taller en EASD Pablo Picasso, realización polos alumnos dunha placa coa técnica do azucre e "morsure au lavis d'acide"

14.30 - 16.00: Pausa comida

16.00 - 20.00: Taller en EASD Pablo Picasso, impresión dos gravados

• Mércores 25 de febreiro:

10.00 - 15.00: Taller en EASD Pablo Picasso, demostración dos modos de impresión con diferentes técnicas.

17.00 - 20.00: Visita á exposición no Kiosco Alfonso e conclusión do taller con presentación dos traballos.

O número total de prazas é de 12, con seis para o público xeral e outras seis para o alumnado do EASD Pablo Picasso. As reservas faranse ata o día 20 de febreiro na oficina da EASD Pablo Picasso en horario de 10.00 a 14.00 horas. Deberá presentarse unha copia do DNIe o formulario dispoñible na seguinte ligazón debidamente cumpletado.