Ata mañá, mércores 1 de novembro, o Concello ampliará nunha hora, en quenda de tarde, o horario de operatividade dos cemiterios públicos da cidade. Co obxectivo de facilitar as visitas da cidadanía nestas datas tan sinaladas, as instalacións, abertas desde as 9.00 h, pecharán as súas portas ás 19.00 horas.

A causa de alerta laranxa por vento, o acceso principal ao Cemiterio de Santo Amaro pecharase ás 16.00 horas. Ficarán abertas as entradas laterais pola rúa Rafel Baixeras.

Ademais, o Concello reforzará o transporte público e activará un dispositivo especial da Policía Local por mor da festividade de Todos os Santos, para dar resposta á afluencia de xente prevista nos camposantos da cidade.

• Días 31 de outubro e 1 de novembro
  • Reforzo das liñas 23 e 23-A con dous autobuses máis. Desta forma, a frecuencia combinada das dúas liñas, que dan servizo ao cemiterio de Feáns, será de 17 minutos.
• Día 1 de novembro:
  • Reforzo da liña 3, que dará servizo aos cemiterios de San Pedro de Visma e Santo Amaro, cunha frecuencia combinada coa liña 3-A, de 16 minutos.
  • Ao cemiterio de San Pedro de Visma tamén darán servizo as liñas 12 e 14.
  • A liña 11, cun percorrido transversal da cidade e cun transbordo a todas e cada unha das demais liñas, reforzarase con dous autobuses adicionais ao longo de toda a xornada, co que dará servizo ao cemiterio de Santo Amaro cunha frecuencia de 17 minutos.
  • As restantes zonas da cidade estarán comunicadas co cemiterio de Santo Amaro a través das liñas 4, 5, 6, 6-A, 7 e 17.
  • O cemiterio de Oza, no barrio do Castrillón, estará comunicado por medio das liñas 1, 12-A e 14.
  • O cemiterio de San Cristovo das Viñas estará comunicado por medio das liñas 5, 12-A e 22.