O concerto do cantautor flamenco Israel Fernández programado dentro do Festival Noroeste Estrella Galicia para o vindeiro domingo 14 de agosto ás 21.30 h trasládase ao Parque de Santa Margarida ante as numerosas peticións de invitación recibidas para poder asistir ao evento.

O Concello decidiu cambiar a localización do concerto para poder dar resposta á alta demanda de público asistente prevista para a actuación de Israel Fernández. O cantautor, que está considerado como un dos cantautores máis relevantes do flamenco actual, está a destacar nos mellores espazos e festivais de xénero.

A entrada no parque de Santa Margarida será libre e gratuita.