Este luns 22 de xuño darán comezo os Campacoles e os campamentos do Fórum e o Ágora, os primeros dos oito campamentos municipais que se ofertan este verán, cun total de 6.116 prazas.

"O noso compromiso é non só manter, senón reforzar este servizo fundamental do que se benefician tantas e tantas familias na cidade. Os números confirman que estamos a cumprir a nosa promesa cunha oferta variada para os nenos e nenas, con actividades ao aire libre, xogos e exercicio", apuntou a alcaldesa, Inés Rey.

A Coruña é o concello galego con maior número de prazas ofertadas para facilitar a conciliación. 

Campacoles

A primeira quenda dos campacoles será do 22 de xuño ao 3 de xullo. Cun total de 360 prazas en cada un dos tres quendas. É dicir, 1.080 en total. A segunda quenda será do 6 al 17 de xullo e o terceiro do 20 ao 31 de xullo. Serán de luns a venres en horario normal de 10.00 a 14.00 horas, cun horario complementario para madrugadores (8.30 a 10.00 horas) e un servizo comedor (14.00 a 15.30 horas). Ademais, o alumnado beneficiario da bolsa comedor no curso 2025/2026 terá unha bonificación do 50% na cota dos Campacoles. As sedes serán: CEIP Juan Fernández Latorre; CEIP María Barbeito; CEIP Novo Mesoiro; CEIP Ramón de la Sagra; CEIP San Francisco Xabier; CEIP San Pedro de Visma; CEIP Torre de Hércules; CEIP Wenceslao Fernández Flórez. 

Campamentos Fórum e Ágora

Tamén o luns comezará a primeira quenda dos campamentos municipais do Fórum e o Ágora, con 1.350 prazas nas cinco quendas. O primeiro estenderase ata o 3 de xullo; o segundo será do 6 ao 17 de xullo; o terceiro do 20 ao 31 de xullo; o cuarto, do 3 ao 14 de agosto, e o quinto, do 17 ao 28 de agosto. 

O horario xeral será de luns a venres de 10.00 a 14.00 horas, coa posibilidade de ampliar o horario de 8.30 a 14.30. Tamén se reservou unha praza por quenda e Centro para solicitantes con necesidades educativas especiais nun grao que lles permita participar nas actividades co grupo. O programa incúe varias caídas educativas. 

Campamentos de mocidade

O martes 30 de xuño comeza a primeira quenda dos Campamentos de Mocidade, que durará ata o 10 de xullo. A segunda quenda será do 13 ao 24 de xullo. En total, serán 100 prazas. A sede será o Polideportivo de Labañou, con varias saídas e actividades ao aire libre programadas. Trátase dun campamento multideportivo con actividades no medio acuático, con iniciación ao snorkel, kayac, pádel surf, tiro con arco, propostas de deporte alternativo como kimball, floorball e ultimate, xogos deportivos na praia, deportes de equipo, entre outras actividades, ademáis de saídas de senderismo e xogos de rastreo e orientación, recollida de algas, accións de reciclaxe...

Campamentos en Centros Cívicos

Os campamentos nos Centros Cívicos Municipais da cidade, que son os que máis oferta de prazas teñen, cun total de 2.250 entre todas as sedes e quendas, comezarán o 1 xullo, cunha primeira quenda ata o día 15, un segundo entre o 16 e o 31 de xullo, un terceiro entre o 1 e 15 de agosto, un cuarto entre o 16 e 31 de agosto e un quinto entre o 1 de setembro e o último día lobarable anterior ao inicio do curso escolar. O horario xeral será de 10.00 a 14.00 horas, e o ampliado de 9.00 a 14.30. Se levarán a cabo nos centros de Castrillón, Eiris, Elviña, Os Mallos, Novo Mesoiro, Monte Alto, Novoboandanza, Palavea, Os Rosales, Cidade Vella e San Diego. 

Campamentos Municipais de Día

Así mesmo, os Campamentos municipais de día arrincarán o vindeiro 1 de xullo ata o 31 de agosto, con catro quendas distribuídos do mesmo xeito que as catro primeiras quendas dos campamentos dos Centros Cívicos e un total de 416 prazas. O horario será de luns a venres de 10.00 a 18.00 horas no colexio Calasanz. Ata 16 prazas foron reservadas para nenos e nenas con necesidades educativas especiais. 

Campamentos Deportivos

Tamén entre o 1 de xullo e o 31 de agosto, e coa mesma distribución de datas en catro quendas, terán lugar na Cidade Deportiva de Riazor e o Polideportivo Municipal de Novo Mesoiro os Campamentos Deportivos. O horario normal será de 9.00 a 14.00 horas e o ampliado de 8.30 a 14.30. En total, serán 640 nenos e nenas participando nas diferentes actividades deportivas, actividades lúdicas e saídas á natureza.

Escola de Verán da OMIC

En dúas quendas (1-15 e 16-30 de xullo) terá lugar a Escola de Verán da OMIC, que é gratuíta e se levará a cabo no Centro Municipal de Emprego. Se repartiron 100 prazas, con 8 reservadas para alumnado con necesidades educativas especiais e con preferencia para menores de familias que necesiten conciliar a vida laboral e familiar. O horario xeral será de 9.00 a 14.00 e o ampliado de 7.50 a 15.00 horas. 

Campamentos de pernoctación

Os campamentos de pernoctación, que inclúen estadía completa durante varios días, comezarán na primeira quenda do 5 ao 11 de xullo (de 8 a 11 anos), no segundo do 12 ao 18 de xullo (de 12 a 16 anos), no terceiro do 2 ao 8 de agosto (de 8 a 11 anos) e no cuarto do 9 ao 15 de agosto (de 12 a 16 anos). Asignáronse 180 prazas, e levarase a cabo na Estación de Montaña de Manzaneda, na provincia de Ourense.