13 de mayo de 2023
A banda británica tocará no auditorio do Centro Sociocultural a partir das 20.00 horas
A banda británica Temples actuará este martes, 16 de maio, no Centro Sociocultural Ágora, dentro do ciclo de concertos Selección Sonora que promove o Concello. Trátase da segunda cita desta iniciativa tras o directo de Israel Fernández e Diego del Morao do pasado xoves 27 de abril.
Temples é unha banda formada en 2012 na cidade de Kettering (UK). É considerada unha das grandes formacións de psicodelia pop da actualidade. Composta por James Bagshaw (voz e guitarra), Tom Walmsley (baixo), Adam Smith (teclado e guitarra) e Rens Ottink (batería), asinou tres álbums que xa forman parte da historia do xénero, unindo a influencia do son Madchester coa do sunshine pop e a psicodelia dos 60.
As entradas para esta actuación están á venda a través de Ataquilla e no despacho de billetes do quiosco da praza de Ourense a un prezo de 13 euros máis gastos de xestión. O ciclo Selección Sonora completarase con outras tres actuacións. A seguinte será a de Allah-Las, o xoves 22 de xuño. O sábado 30 de setembro será a quenda de Valeria Castro. Pechará o ciclo The Sonics, o 6 de novembro.
3 de mayo de 2024
3 de mayo de 2024
30 de abril de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible