26 de xuño de 2020
A Concellería de Benestar Social, Igualdade e Participación presentará a próxima semana un programa de actividades con motivo do Día Internacional do Orgullo LGTBIQ+ que se conmemora o domingo en que as mulleres trans terán un papel protagonista
Baixo o lema "Deixémonos querer" arrinca hoxe a conmemoración do Día Internacional do Orgullo organizada polo concello coa colaboración das entidades LGTBIQ+ que quixeron participar. Desde esta tarde e ata o domingo a praza de María Pita lucirá as cores do movemento LGTBIQ+ que se verán reflectidas nuns círculos proxectados no chan, mentres que a fonte de Catro Camiños tamén se iluminará coas cores da súa bandeira que ondea xa na fachada da Domus.
A efeméride completarase cun programa de actividades que terán lugar en distintos espazos da cidade. A pesar de ser un Orgullo atípico pola pandemia, que fixo que as entidades decidisen cancelar a manifestación para evitar actividades que supoñan concentración de público, o concello non quere deixar de conmemorar un día que nos lembra a necesidade de seguir loitando polos dereitos das persoas LGTBIQ+ e o importante que é non dar pasos atrás nas reivindicacións do colectivo.
Desde o concello séguese a traballar para conseguir unha sociedade máis igualitaria en que o colectivo LGTBIQ+ teña os mesmos dereitos reais e as mesmas oportunidades. Para iso, a Concellería de Benestar Socia, Igualdade e Participación presentará a próxima semana un programa de actividades coas que se conmemora o Día Internacional do Orgullo LGTBIQ+ 2020, e que contou coa colaboración de todas as entidades da cidade que quixeron participar.
O persoal responsable da concellería explicou que se trata dun programa menos ambicioso ao ter que adaptarse á nova normalidade, pero que contará cunha ampla oferta cultural. Tal e como sinala a concelleira de Benestar Social, Yoya Neira, este ano as mulleres terán un papel fundamental no programa de actos, porque é a estas mulleres ás que a Federación Estatal de entidades LGTB lles dedica este Orgullo baixo o lema de "Mulleres LBT: Sororidade e feminismo".
Para a concelleira, dentro deste colectivo, as mulleres trans sufriron unha dobre discriminación de xeito histórico por ser mulleres e por ser transexuais e "é a nosa obriga facelas visibles e devolverlles a dignidade que ata o de agora se lles negou". Por iso, a concelleira de Igualdade, Yoya Neira, quere aproveitar esta conmemoración para apoiar a tramitación da Lei trans e pedir que a Xunta actualice a Lei 2/2014 pola igualdade de trato e a non discriminación de lesbianas, gais, transexuais, bisexuais e intersexuais en Galicia.
7 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible