3 de xullo de 2020
A competición comeza mañá ás 17.40 horas na enseada do Orzán. As e os deportistas gardarán un minuto de silencio en recordo das vítimas do coronavirus.
Esta mañá tivo lugar en María Pita a sinatura do convenio de colaboración entre o Concello da Coruña e Asociación de Clubs de Traiñeiras (ACT) para a realización da IV Bandeira Cidade da Coruña, que arrinca mañá na enseada do Orzán, e que supón o inicio da tempada das principais competicións de traiñeiras, as ligas Eusko Label masculina e Euskotren feminina, que estivo marcada polo parón debido á pandemia da COVID-19. Na firma estiveron presentes o concelleiro de Deportes, Juan Ignacio Borrego; a xerente do Consorcio de Turismo, Lanzada Calatayud, e o presidente da ACT, Borja Rodrigo.
O concelleiro quixo destacar a importancia de que A Coruña acolla un evento deportivo destas características, que tan só co persoal traballador da organización e as e os deportistas mobiliza máis de 1.000 persoas na primeira fin de semana de xullo, en que se espera recibir a moitas e moitos visitantes procedentes do País Vasco.
Un total de doce traiñeiras masculinas e catro femininas moverán por primeira vez os seus remos na IV Bandeira Cidade da Coruña tras o parón destes meses. Segundo o sorteo realizado a pasada semana, a primeira xornada da IV Bandeira Cidade da Coruña comezará ás 18.00 horas coa primeira serie formada por Ares, Donostiarra, Ondarroa e Orio. Na segunda remarán Lekittarra, Santurtzi, Cabo e Zarautz, e na última, Hondarribia, Kaiku, Urdaibai e Zierbena. Vinte minutos antes disputarase a primeira xornada da liga Euskotren feminina. O domingo a saída para os equipos femininos será ás 11.40 horas, e vinte minutos máis tardes será a quenda dos equipos masculinos. A entrega das bandeiras terá lugar unha vez que finalicen as series, aproximadamente ás 12.00 e 14.00 horas. As persoas organizadoras indicaron que tanto o sábado como o domingo ao comezo de cada regata gardarase un minuto de silencio en recordo das vítimas do coronavirus.
7 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible