1 de xuño de 2020
A alcaldesa, Inés Rey, e o concelleiro de Cultura, Jesús Celemín, entregaron unha placa conmemorativa ás e aos empregadas/os máis representativas/os do museo que se inaugurou en 1985
A alcaldesa, Inés Rey, e o concelleiro de Cultura, Jesús Celemín, mantiveron esta tarde un encontro na Casa das Ciencias con parte do cadro do persoal que propiciu a súa posta en marcha hai 35 anos. A rexedora agradeceu a súa dedicación e paixón e destacou que o primeiro director, Ramón Núñez, foi o grande artífice do éxito deste edificio: "Entendeu que un museo, máis que dar respostas, debía de lles facer preguntas ás e aos visitantes. Núñez conseguiu que o coñecemento tivera unha primeira casa e logo outras dúas máis e unha cuarta no Muncyt, pero, sen dúbida, aquí, nesta atalaia comezou todo". Rey sinalou que Núñez lle transmitiu esa ilusión a Elena Rilo e a Jesús Prado, presentes no acto, e que este último cambiou a conserxería dun colexio pola dun museo e coñeceu a Juan Carlos Medal "Jaítos", "que inxectou o seu amor pola ciencia e o firmamento a todas/os nenas/os e maiores que sentaron nunha butaca inclinada do planetario".
No acto participaron, ademais de Ramón Núñez, Elena Rilo e Jesús Prado, o arquitecto Felipe Peña, que converteu aquel esqueleto de formigón nunha casa para a divulgación. Xunto ás e aos que traballaron para que a Casa das Ciencias se convertese nun museo senlleiro polos seus contidos interactivos estivo tamén o actual responsable, Marcos Pérez, que recordou que é a primeira vez que celebran o aniversario coas portas pechadas xa que por instrucións do Ministerio de Sanidade, os museos que requiren da participación táctil das e dos visitantes non poden aínda abrir ao público nesta fase da desescalada.
Na xuntanza, Rey entregoulles placas conmemorativas ás e aos pioneiros deste centro museístico e lembrouse a figura do falecido Juan Carlos Medal, Jaítos, que lle puxo voz durante moito anos aos programas que se proxectaron no planetario; programas que, por outra banda, non cesaron desde que en 1985 se inaugurou a Casa das Ciencias.
9 resultados
O 15 de mai de 2024
O prazo para participar rematará o vindeiro domingo 26 de maio
O 12 de mai de 2024
A xornada comezou ás 10.00 horas coa saída das e dos inscritos en categoría absoluta, que completaron un percorrido de case 6,5 quilómetros a través da estrada de Visma a Mazaído e o parque de Bens
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible