10 de xuño de 2020
A zona exclusiva para correr, que irá desde As Escravas ata Os Surfistas, poderá utilizarse desde mañá, aínda que por mor das previsións de chuvia para os vindeiros días é probable que os traballos de sinalización se atrasen ata o comezo da semana que vén
A Área de Infraestruturas e Mobilidade ultima os traballos para construír a senda exclusiva de corredores do Paseo Marítimo, que vai desde As Escravas ata Os Surfistas. Durante a xornada de hoxe, os técnicos estiveron asfaltando a zona e, previsiblemente, rematarán este serán para que Mobilidade poida comezar cos labores de sinalización da senda que estará operativa desde mañá, aínda que a sinalización non quede finalizada pola previsión de chuvia durante os vindeiros días.
A nova senda contará con sinalización vertical ao inicio e ao remate desta, e con marcas horizontais na calzada e nos pasos de peóns que indicarán que se trata dunha "zona exclusiva para correr". Ademais, pintaranse na propia senda referencias de distancias de 0, 50, 100, 500, 1.000, 1.400, 1.450 e 1.500 metros tomando como orixe As Escravas, co fin de que as persoas corredoras teñan as súas referencias. A Federación Galega de Atletismo asesorou á Área de Mobilidade no deseño destes rótulos, que terán un aspecto moi similar aos que se poden encontrar nunha pista de atletismo.
A alcaldesa asegurou que se trata dunha "medida singular, que desconxestionará o Paseo Marítimo e o carril bici e, á súa vez, tapará de forma provisional as vías do tranvía" e lembrou que "o Goberno local segue traballando no cambio de modelo de mobilidade da nosa cidade".
A creación deste carril non implica eliminar a infraestrutura do tranvía, senón que esta se tapará para que este espazo poida ser aproveitado pola veciñanza e para evitar problemas de seguridade, unha iniciativa que estará en activo, polo menos, ata que haxa unha decisión acordada sobre a utilidade e a rendibilidade das vías do tranvía.
8 resultados
O 15 de mai de 2024
O prazo para participar rematará o vindeiro domingo 26 de maio
O 12 de mai de 2024
A xornada comezou ás 10.00 horas coa saída das e dos inscritos en categoría absoluta, que completaron un percorrido de case 6,5 quilómetros a través da estrada de Visma a Mazaído e o parque de Bens
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible