Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

9 de xullo de 2020

Ábrese o prazo para presentar alegacións e suxestións á aprobación inicial do Plan local de protección da ribeira do mar contra a contaminación

O Boletín Oficial da Provincia publica hoxe o anuncio (BOP núm. 104). Desde mañá e durante un período de 30 días hábiles poderanse presentar alegacións ou suxestións

O Pleno do Concello da Coruña do pasado 2 de xullo deu a súa aprobación inicial ao Plan local de protección da ribeira do mar contra a contaminación que agora se somete ao trámite de información pública.

O Boletín Oficial da Provincia publica hoxe (BOP núm. 104) o anuncio da aprobación inicial deste plan. Desde mañá e durante un período de 30 días hábiles poderanse presentar alegacións ou suxestións a través de calquera dos medios establecidos no artigo 16.4 da Lei 39/15, do 1 de outubro, do procedemento administrativo común das administracións públicas. O prazo remata o próximo 20 de agosto.

Este plan ten por obxectivo dotar o Concello da Coruña dunha estratexia e operativa que permita coordinar a prevención, o control e a loita eficaz dun suceso de contaminación costeira accidental, co fin de preservar a saúde das persoas, o medio natural e a seguridade dos bens e servizos dentro do seu ámbito de aplicación, de acordo cos recursos locais dos que se dispoña.

Así mesmo, o plan é un dispositivo plenamente integrado no Plan territorial de continxencias por contaminación mariña accidental de Galicia (Plan Camgal) e no Sistema Nacional de Resposta.

O contido íntegro do documento pódese consultar a través da seguinte ligazón ou en papel nas oficinas da Concellería de Medio Ambiente.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión