O día 9 de outubro, a partir das 10.00 horas no salón de actos da Facultade de Ciencias do Deporte e a Educación Física da Universidade da Coruña, o Foro de Deporte Para Todos celebrará este 2021 a súa décima edición, organizado pola Asociación Galega de Deportiva Xestión co apoio do Concello da Coruña.

Nesta ocasión a temática do foro será "O DEPORTE SOCIAL E CIDADÁN NO MARCO FEDERATIVO", e contarase cos relatorios de profesionais cunha gran experiencia no sector.

Os obxectivos do evento serán:

• Analizar o deporte social no pensamento de Couberín.
• Coñecer o deporte para todos en Portugal.
• Analizar o papel do Comité Olímpico Español no desenvolvemento de deporte para todos.

O día anterior ao foro, realizarase a inauguración da Exposición PIERRE DE COUBERTIN da Real Academia Olímpica Española, no Centro Ágora da Coruña.