26 de febreiro de 2020
As obras, que comezan mañá, teñen un prazo de execución aproximado de cinco semanas e optimizarán notablemente os accesos ao centro educativo
A Área de Infraestruturas comunica que mañá comezarán as obras de mellora da accesibilidade do CEIP Raquel Camacho, da Agra do Orzán, e dos seus arredores. O persoal técnico do concello deixou a zona preparada para estes traballos a primeira hora da mañá de hoxe.
Tal e como se veu facendo noutros centros educativos, e seguindo a política de contornos seguros na cidade, a Concellería de Urbanismo, Infraestruturas e Mobilidade ten como obxectivo ir mellorando unha a unha as contornas dos colexios que non cumpran cos mínimos requiridos de accesibilidade.
Neste caso, no do CEIP Raquel Camacho, ampliaranse as beirarrúas que dan entrada ao colexio e instalaranse bancos e varandas para optimizar a seguridade á entrada e saída do centro educativo. Tamén se plantarán árbores para a mellora dos arredores e, en materia de mobilidade, recolocarase a parada do bus escolar no colexio, xa que antes estaba na rúa lindeira de Alcalde Liaño Flores. Ademais, a Área de Infraestruturas do concello aproveitará as obras para realizar traballos de mellora na rede de saneamento da zona. Estas obras teñen un prazo de execución aproximado de cinco semanas.
8 resultados
O 12 de mai de 2024
A xornada comezou ás 10.00 horas coa saída das e dos inscritos en categoría absoluta, que completaron un percorrido de case 6,5 quilómetros a través da estrada de Visma a Mazaído e o parque de Bens
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible