29 de xaneiro de 2021
José Manuel Lage Tuñas: “O contrato é a proba do compromiso do Goberno de Inés Rey cos servizos culturais desta cidade, pon fin a situación de interinidade da rede municipal de bibliotecas e garante o futuro de todas elas”
A Xunta de Goberno local autorizou esta mañá licitar o novo contrato para a prestación de servizos bibliotecarios na Rede de Bibliotecas Municipais por un importe de 2.661.298 euros ao ano e un prazo de dous anos prorrogables por un ano máis, até un máximo de tres.
O novo contrato, que garante a subrogación de 65 traballadores pola empresa que resulte adxudicataria, inclúe a xestión dos cinco espazos (Ágora, Fórum, Sagrada Familia, Rosales, Infantil e Xuvenil e punto de servizo bibliotecario do centro cívico de Mesoiro), e un servizo de apoio técnico e operativo no edificio municipal de Salvador de Madariaga co fin de facilitar o labor das a dos traballadores. Entre outras melloras, contempla tamén a posta en marcha dunha plataforma dixital de contidos audiovisuais que permitirá as persoas usuarias veren desde calquera soporte informático (tabletas. Móbiles, TV, ordenadores...) películas, música e publicacións de carácter periódico sen necesidade de as descargaren e de xeito totalmente gratuíto.
O novo contrato supón un incremento de 244.000 euros en relación ao último plurianual, e inclúe a cubrición do período de vacacións, polo que a atención ao publico non se verá afectada durante os meses de verán.
O edil de Economía, Facenda e Réxime Interior, José Manuel Lage Tuñas, destacou a importancia de regularizar por fin o servizo, que levaba funcionando con prórrogas e sen solucións definitivas desde o ano 2016. Segundo o voceiro do Goberno local, o novo contrato suporá unha mellora na unificación da rede e tamén unha aposta pola modernización do servizo coa creación dunha biblioteca dixital acorde cos tempos actuais. "O contrato é a proba do compromiso do Goberno de Inés Rey cos servizos culturais desta cidade, pon fin a situación de interinidade da rede municipal de bibliotecas e garante o futuro de todas elas", explicou o edil.
As bibliotecas funcionaron con contrato do ano 2012 até o 2016. Desde o 2016 até o 2018 o servizo prestouse con prórrogas. No 2018 asinouse un novo contrato por un ano, prorrogable por un máis, mais en xaneiro do 2019, durante o pasado mandato, decidiuse non prorrogalo. Optouse por un negociado pola vía de urxencia que o TACGAL anulou o 26 de xuño do 2019 sen que se implantar o novo modelo de xestión previsto.
"A contratación do servizo mediante un novo concurso permitirá non só dar unha estabilidade ás e aos traballadores e un mellor servizo á cidadanía, senón que suporá tamén a regularización de máis de 200.000 euros ao mes en facturas do servizo que até agora se aboaban sen contratos", indicou Lage Tuñas.
O contrato potenciará os recursos das bibliotecas municipais, fomentará a lectura e sumará as novas tecnoloxías, adaptándose a rede as necesidades actuais a as novas formas de aceso á cultura que demanda a cidadanía.
7 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible