Non hai asunto que non poida tratarse á luz do cinema, a arte popular por excelencia do século XX. A astronomía, por exemplo, ten un vínculo estreito co cinema, e os fenómenos e corpos celestes teñen presenza habitual nos filmes. Tamén serven para falar da contaminación luminosa, un enorme problema ambiental global que ademais arrasa co inmenso patrimonio cultural asociado á noite e que ten repercusións na saúde pública.

Nesta conferencia, Martin Pawley explorará todas estas cuestións a través da súa presenza, ás veces inesperada, en títulos lendarios da historia do cinema.