"As formas do amor" (risas e reflexións sobre as relacións de parella)
Unha peza teatral de Verdeveras Expresións Artísticas
A quen vai dirixido:
Xuvenil, Para público en xeral
Cando:
10/12/2025
Xa rematou
Horario:
20.00 horas
Duración:
65 min aprox.
Enderezo:
Centro Sociocultural Ágora. Lugar Gramela 17. 15010 A Coruña
Prezo:
De balde
Contacto:
Teléfono: 981 189 888
Correo: lingua@coruna.gal
O mércores 10 de decembro, ás 20.00 h, no auditorio do Centro Ágora, teremos a representación da obra de teatro As formas do amor, dirixida a todo tipo de público (de máis de 12 anos).
O Servizo de Normalización Lingüística organiza este espectáculo teatral, dentro das accións de fomento e promoción da lingua galega, para a poboación en xeral. Co fin de traballarmos unha lingua de calidade e promover a difusión de actividades culturais, representarase esta obra actual e lúdica na que todas as persoas espectadoras se senten reflectidas.
Unha peza alegre, chea de música, conmovedora e necesaria polo seu impacto positivo en valores nos que cremos: o amor, a igualdade entre mulleres e homes, a necesidade de mostrar en teatro masculinidades sensibles, e a posibilidade de construír vínculos saudables e respectuosos, especialmente nos momentos de dor ou separación. Necesitamos novas historias de amor de parella, novas narrativas, que nos afasten do obvio, do ridículo, do estereotipado, do violento e do competitivo e que, ao mesmo tempo, sexan nosas. Podemos contar algo máis sobre o amor?
Ela e el foron parella. Foron deses amores inesquecibles que marcan un antes e un despois na vida, porque todo o poñen patas para arriba, revísano, sacódeno, desmóntano e vólveno armar. Logo dun tempo separados, talvez hoxe sexa o día xusto para volvérense atopar por primeira vez. Unha viaxe polas emocións. Unha historia que dá para falar e reflexionar sobre iso que chamamos "amor".
A entrada será libre e gratuíta, ata se completar a capacidade do auditorio do centro.
Ligazón ao tráiler: https://i.gal/4qzI6
Tamén che pode interesar...
SEN NUMERAR Primavera 2026 - NADA SE SABE de Manuel Lourenzo
Cando:
06/03/2026
Inscricións:
Este espectáculo ten unhas características moi especiais cara á inclusión no ámbito cultural, que non só é un dereito, senón tamén un paso fundamental cara a unha sociedade máis equitativa e diversa.
As medidas de accesibilidade no teatro, do mesmo xeito que no resto das artes vivas, teñen un papel fundamental ao garantir que as persoas con diferentes tipos de discapacidade - visual, auditiva, motriz ou cognitiva - poidan gozar plenamente dos espectáculos, é polo que neste espectáculo impleméntanse as seguintes medidas de accesibilidade
1.- LSE durante todo o espectáculo.
2.- Visita táctil para persoas invidentes, unha hora antes da función. Acceso libre.
3.- Audiodescrición: As persoas que a soliciten deben levar as súas propios auriculares.
4.- Programa de man en Braille: dispoñible no despacho de billetes para préstamo durante o espectáculo.
5.- Programa de lectura fácil
**Se necesita das medidas de accesibilidade 2 ou 3 deberá comunicalo identificandose través do correo forummetropolitano@coruna.gal antes do día 4 de marzo as 15 horas.
En canto a Audiodescrición temos 8 aparellos que se confirmarán por orde de petición a través do correo forummetropolitano@coruna.gal e en canto a visita tactil deberán acudirse unha hora antes do evento.
Ciclo Principal: Las pequeñas mudanzas
Cando:
Dende o 06/03/2026 ata o 07/03/2026
"A voar", de Cé Orquestra Pantasma
Cando:
10/03/2026
Inscricións:
Dende o 06/03/2026 ata o 10/03/2026
A inscrición comezará ás 10.00 h. A actividade está dirixida a crianzas de 3 a 6 anos (incluídos), acompañadas dunha persoa adulta. Só precisa a inscrición a/o nena/o.
Se por algún motivo non puiderdes vir á actividade, agradecemos que nolo comuniquedes para que poidan asistir outras persoas.
Pídese puntualidade.
35º Aniversario Centro Ocupacional Pascual Veiga
Cando:
12/03/2026
Depor Tolemia
Cando:
13/03/2026
Ciclo Principal: Artur UI, o ovo da serpe
Cando:
Dende o 13/03/2026 ata o 14/03/2026
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible