Con varias das cancións emblemáticas da historia dos musicais - Willkomen, Cabaret, Money Money - e considerado como unha das obras mestras do teatro musical de todos os tempos, pola súa intensidade dramática, a profundidade dos personaxes e a calidade da súa partitura, CABARET é o musical que todo o mundo debería ver.

En 1972 tamén se trasladou á gran pantalla, dirixido por Bob Fosse. Premiado con 8 Oscar, 12 Premios Tony, 3 Premios Oliver e 3 Premios Drama Desk, CABARET representouse en máis de 50 países e traduciuse a máis de 30 idiomas.

Anticipando a celebración do seu 50 aniversario, o 18 de outubro de 2015 estreouse no Teatro Rialto de Madrid esta nova produción da versión orixinal estreada en Broadway, adaptada e dirixida por Jaime Azpilicueta, que permaneceu en cartel ata o 12 de xuño de 2016 e consagrouse como o grande éxito da tempada en Madrid con máis de 200.000 espectadores.

Ao éxito de público sumouse o recoñecemento da profesión, ao ser elixido como o Mellor Musical en Madrid en 2015/16, na 9ª edición dos Premios de Teatro Musical, dados a coñecer o pasado luns 6 de xuño en Madrid, edición na que CABARET resultou o musical gañador en 8 das 15 categorías premiadas.

Acepten a invitación de mestre de cerimonias e 'Deixen os seus problemas fóra. Aquí a vida é divina'. Willkomen au CABARET, no seu 50 aniversario.