No mes de xaneiro do 2013, oito semanas despois do seu lanzamento, toda a industria discográfica é consciente de que “Orígenes: el bolero”, de Café Quijano, é o disco revelación do ano e unha das sorpresas máis importantes dos últimos tempos.
Os seus discos mantéñense nas listas de vendas entre os máis vendidos dende hai dous anos, ininterrompidamente. Ás poucas semanas do lanzamento do seu primeiro álbum de Boleros xa era “Disco de platino” e, dende o primeiro día, situouse no núm. 1 de vendas.
Durante o ano 2013 realizaron a xira máis extensa dun artista en España: máis de 60 concertos colgando o cartel de “Sold out” en, practicamente, todos os recintos.
No verán deste mesmo ano gravaron o segundo volume destes “Orígenes” que viu a luz no mes de novembro con idéntico éxito que o anterior. Un mes despois xa era Disco de Ouro. Idéntico éxito na súa xira do 2014.
Non só apareceron novamente en escena cun concepto arriscado, os boleros, senón que, ademais, o seu repertorio é totalmente inédito e con todas as cancións orixinais compostas por Manuel Quijano.
Ningún dos grandes intérpretes da historia do bolero compuxeron ou triunfaron cun repertorio propio; Café Quijano si o conseguiu!
A imaxe do grupo é impecable. Sobre o escenario cada detalle está coidado ao máximo. Os seus concertos son pura exquisitez. Son o triunfo da sinxeleza elegante.