Actividade enmarcada no programa de divulgación científica: PARA SABER +
Persoas adultas, Xuvenil
25/04/2022
Xa rematou
Acceso libre até completar a capacidade.
Das 19.00 h ás 20.30 h
bforum@coruna.gal
Tel.: 981 184 298
Este ciclo de charlas de divulgación científica, coordinado pola profesora Ana González Tizón e a Biblioteca Fórum Metropolitano, xorde da colaboración da Asociación de veciños de Oza, A Gaiteira e Os Castros e o Grupo de divulgación científica e innovación docente da Universidade da Coruña, UDCiencia i+d.
Este grupo desenvolve unha intensa actividade no campo da divulgación científica, a innovación docente e a aprendizaxe-servizo.
O programa nace con vocación de permanencia. Será o último luns de cada mes ás 19.00 h na Biblioteca Fórum, con acceso libre até completar a capacidade.
O luns 25 de abril temos a segunda charla do programa:
A ciencia detrás do vandalismo urbano
Con Dimas López Martínez
Pintadas nas paredes, queima de papeleiras, fluídos corporais humanos e animais, bancos rotos. Os actos vandálicos están á orde do día. Pero máis aló do que supón económica e eticamente, que ciencia hai detrás de todo isto? A que niveis nos prexudica e prexudica a biodiversidade dos nosos pobos e cidades?
Ola! Eu son Dimas. Son estudante de bioloxía e un friki da microbioloxía e a inmunoloxía, por iso onde exista un problema cos antibióticos ou as bacterias alí estarei eu fisgando. Encántame a música, canto todo o día (aínda que iso non lle guste á xente...). Sempre estou a buscar novas formas de divertirme divulgando, son un «cu inquieto», aínda que tamén descanso para tomar unha cervexa coas amizades.
Tamén che pode interesar
16/05/2024
27/05/2024
Acceso libre ata completar capacidade
30/05/2024
Dende o 23/05/2024 ata o 30/05/2024
Os días 18/03/2024 ás 18:30 , 16/04/2024 ás 18:30 , 07/05/2024 ás 18:30 , 04/06/2024 ás 18:30
un encontro ao mes
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible