Charla da man de María Soto (Educa Bonito) na que nos achegaremos a esta metodoloxía educativa, baseada nunha conexión eficaz e establecemento de límites respectuosos para crear un clima de crecemento persoal que fomente o crecemento familiar.

Esta charla está ligada ao taller práctico "Como favorecer a propia estima".

No taller, poñeremos en práctica o aprendido na charla informativa sobre disciplina positiva; descubriremos que é realmente a propia estima e como lles podemos axudar aos nosos fillos e ás nosas fillas a desenvolvela de maneira equilibrada, acompañando o seu proceso de crecemento tanto a nivel social como individual.