Composta por James Bagshaw (voz e guitarra), Tom Walmsley (baixo), Adam Smith (teclado e guitarra) e Rens Ottink (batería), asinou tres gloriosos álbums que xa forman parte da historia do xénero, unindo a influencia do son de Manchester coa do sunshine pop e a psicodelia dos 60. A súa cuarta entrega, Exotico, que chegará o 14 de abril, conta coa produción de Sean Ono Lennon, a mestura de Dave Fridmann (Beach house, Spoon, The Flaming Lips) e explora temas existencialistas como a non permanencia e a mortalidade, a nosa conexión coa natureza ou a inmensidade salvaxe da mente; sempre con esa espectacular mestura de psicodelia, kraut rock e dream pop. Un traballo que os confirma como unha das bandas máis renovadoras e inventivas do presente, e ao seu novo directo como un dos que non debes perder este ano.

"Neste traballo [Hot Motion] Temples reivindican a versatilidade sónica da guitarra, usándoa con fins distintos aos habituais para substituír outros elementos máis sintéticos, case a modo de ilusión óptica". Mondo Sonoro.

"O concepto "lambetada psicodélica" que acabo de inventar vénme ben para falar de Temples. Doces, apetitosos mesmo cando xa non tes fame, a risco de encher, escoitas sen mirar. E repites". Binaural.

"Se algo teñen os ingleses é un gran talento para replicar con bastante atino o son de rock psicodélico dos anos 60 e 70". Jenesaispop.

Temples gustaranche se che gusta Tame Impala, King Gizzard & The Lizard Wizard, Animal Collective, MGMT, The Black Angels ou The Flaming Lips.

VENDA DE LOCALIDADES

• Venda en liña: Ataquilla.com
• Venda no despacho de billetes do Ágora unicamente o día de espectáculo dende unha hora antes (sempre que queden localidades dispoñibles)
• Venda no despacho de billetes central da praza de Ourense: de luns a venres das 11.00 ás 15.00 h e das 16.30 ás 19.30 h (excepto festivos)