Bruxería e misterio, xitanas que murmuran esconxuros, danzas arredor do lume. "O amor bruxo" é unha historia de paixón que traspasa a fronteira do máis Alá, un ballet-pantomima protagonizado por unha parella nova, Candeals e Carmelo, e un antigo amante da moza que se manifesta en forma de espectro e que a atormenta. Sortilexios, feitizos e unha música inspirada nas máis fondas raíces do canto e sentimento meridionais, adoptando unha técnica e modos de expresión non afeitos ata daquela na música española. Todo iso outórgalle un atractivo moi especial a esta obra. A "Danza ritual del fuego" ou "Canción del fuego fatuo" convertéronse en iconas da música do século XX. O programa complétase coa estrea de "Tres bocetos andaluces", obra do compositor asentado en Vigo David Cuevas, unha obra de inspiración flamenca onde o lirismo se traslada ao timbre do clarinete baixo solista. "Cantares de Galicia" é unha obra do compositor norteamericano M. Gandolfi, el mesmo describe a fonte que inspirou a escritura desta obra baseada en melodías tradicionais galegas:

"A nai da miña esposa, Aurora, é oriúnda de Viveiro, un fermoso pobo costeiro galego. Durante as miñas viaxes alí descubrín varias cancións tradicionais que Aurora lle canta a miúdo á miña esposa María..."

Repertorio

Overture for a Great City - P. Sparke

Cantares de Galicia - M. Gandolfi

Tres bocetos andaluces - D. Cuevas

El amor brujo- M. de Falla

Artistas

Banda Municipal de Música da Coruña

Cantaora: Sandra Calderón

Solista: Xocas Meijide

Dirección: Juan Miguel Romero Llopis